Hoofdtekst
Hoe opten heylighen kersnacht haer borsten waren vervollet mit melc. Capitel XXIX
DOemen screef MCCCC ende XXVIII verbrande dat meeste deel van Sciedam by nachte na Sente [235Rb] Fredericus hoochtijt met der kerke ende dat susterhuys. Ende daer na quam tot Liedewy eene weduwe, gheheeten Katrijn, ende wilde met haer woenen.
Daer voer - doemen screef MCCCC ende XXVI, niet langhe voer den heileghen kersdach - quam dese selve weduwe tot Liedewy ende seyde datet haer van Gods weghen was gheopenbaert dat haer maechdelike borsten opten kerstnacht naest comende soude vervult worden met melcke, ende dat si Katrijnen die melc soude laten sughen. Doe Liedewy dit hoorde, was si seer bescaemt, want si hadde liever dattet verholen hadde ghebleven, ende daer om begonste sij dat neerstelijc te messaken. Maer Katrijne verspracse neerstelijc weder om ende hiet haer dat sijt niet en soude messaken, want het was haer van Gods weghen ghecondicht, also dat Liedewy van Katrijnen wart verwonnen ende hiet haer dat si haer soude bereyden tot also grooter graciën Gods ende wachten die tijt die haer was gheopenbaert. Die weduwe Katrijne die scicte haer daer toe, als Liedewy gheraden hadde.
Daer na op den heileghen kerstnacht wert Liedewy ghetoghen tot eenre wonderliker stede. Daer waren ver[235Va]gadert ontallike maechden daer sy mede een af was. Ende si stont in die teghewordicheit Onser Liever Vrouwen ende Maghet Mariën, der Moeder Gods. Ende een yeghelijc van dien maechden hadde eenen ynghel by hem staende die stont ende diende als een camerlijnc. Ende doe die tijt nakede dat Onse Lieve Heere gheboren wert, soe sach Liedewy haers selfs borsten op heffen ende der anderen die bi haer waren, van den melcke. Ende als die ynghel seide, een yeghelijc hadde also vele melcs als Onse Lieve Vrouwe hadde in haer borsten, doe Onse Lieve Heere gheboren wert, tot eenen teecken dat die maechden bequaem waren Onsen Lieven Heere te sooghen. Daer was also groote vroechde, dattet noch ooghe ghesien en mach, noch oere ghehooren, noch herten overdincken, noch tonghe spreken, noch penne ghescriven.
Doe dat aldus ghesciede, quam Katrijne ende vermaende Liedewy van dier voerseider beloften. Ende Liedewy wreef haer borsten met haren handen ende hiet Katrinen dat sij haren mont daer aen soude setten ende sughen als si best mochte. Doe dat Katrijne hadde ghedaen [235Vb] ende niet dan drie reysen haer borsten ghetoghen van die maechdelike melc die sy daer uut soech, doe was sij also seere versaedt, dat se wel vele daghen soude hebben gheweest sonder lichamelike spise.
DOemen screef MCCCC ende XXVIII verbrande dat meeste deel van Sciedam by nachte na Sente [235Rb] Fredericus hoochtijt met der kerke ende dat susterhuys. Ende daer na quam tot Liedewy eene weduwe, gheheeten Katrijn, ende wilde met haer woenen.
Daer voer - doemen screef MCCCC ende XXVI, niet langhe voer den heileghen kersdach - quam dese selve weduwe tot Liedewy ende seyde datet haer van Gods weghen was gheopenbaert dat haer maechdelike borsten opten kerstnacht naest comende soude vervult worden met melcke, ende dat si Katrijnen die melc soude laten sughen. Doe Liedewy dit hoorde, was si seer bescaemt, want si hadde liever dattet verholen hadde ghebleven, ende daer om begonste sij dat neerstelijc te messaken. Maer Katrijne verspracse neerstelijc weder om ende hiet haer dat sijt niet en soude messaken, want het was haer van Gods weghen ghecondicht, also dat Liedewy van Katrijnen wart verwonnen ende hiet haer dat si haer soude bereyden tot also grooter graciën Gods ende wachten die tijt die haer was gheopenbaert. Die weduwe Katrijne die scicte haer daer toe, als Liedewy gheraden hadde.
Daer na op den heileghen kerstnacht wert Liedewy ghetoghen tot eenre wonderliker stede. Daer waren ver[235Va]gadert ontallike maechden daer sy mede een af was. Ende si stont in die teghewordicheit Onser Liever Vrouwen ende Maghet Mariën, der Moeder Gods. Ende een yeghelijc van dien maechden hadde eenen ynghel by hem staende die stont ende diende als een camerlijnc. Ende doe die tijt nakede dat Onse Lieve Heere gheboren wert, soe sach Liedewy haers selfs borsten op heffen ende der anderen die bi haer waren, van den melcke. Ende als die ynghel seide, een yeghelijc hadde also vele melcs als Onse Lieve Vrouwe hadde in haer borsten, doe Onse Lieve Heere gheboren wert, tot eenen teecken dat die maechden bequaem waren Onsen Lieven Heere te sooghen. Daer was also groote vroechde, dattet noch ooghe ghesien en mach, noch oere ghehooren, noch herten overdincken, noch tonghe spreken, noch penne ghescriven.
Doe dat aldus ghesciede, quam Katrijne ende vermaende Liedewy van dier voerseider beloften. Ende Liedewy wreef haer borsten met haren handen ende hiet Katrinen dat sij haren mont daer aen soude setten ende sughen als si best mochte. Doe dat Katrijne hadde ghedaen [235Vb] ende niet dan drie reysen haer borsten ghetoghen van die maechdelike melc die sy daer uut soech, doe was sij also seere versaedt, dat se wel vele daghen soude hebben gheweest sonder lichamelike spise.
Beschrijving
29. Hoe in de kerstnacht Liedewijs borsten zich met melk vulden
In 1426, niet lang voor Kerstmis, was de weduwe Katrijn bij Liedewij geweest en had haar verteld Liedewijs borsten in de komende kerstnacht gevuld zouden worden met melk, en dat Liedewij haar daarvan moest laten drinken. Omdat het Katrijn van Godswege was ingegeven kon Liedewij niet weigeren. In die kerstnacht kreeg Liedewij weer visioen waarin ze in aanwezigheid van de Maagd Maria was met talloze maagden. Toen het tijdstip naderde waarop Onze Lieve Heer geboren werd, zag Liedewij haar eigen borsten en die van de andere heilige maagden opzwellen door de melk, precies zoveel als Maria had, toen Jezus geboren werd. Dit was een teken dat zij in staat waren Hem te zogen. Toen Katrijn Liedewij herinnerde aan haar belofte, masseerde Liedewij haar borsten en liet de weduwe zo hard mogelijk zuigen. Nadat deze drie teugen van die maagdelijke melk had gedronken, was ze verzadigd en kon ze het vele dagen zonder gewoon voedsel stellen.
In 1426, niet lang voor Kerstmis, was de weduwe Katrijn bij Liedewij geweest en had haar verteld Liedewijs borsten in de komende kerstnacht gevuld zouden worden met melk, en dat Liedewij haar daarvan moest laten drinken. Omdat het Katrijn van Godswege was ingegeven kon Liedewij niet weigeren. In die kerstnacht kreeg Liedewij weer visioen waarin ze in aanwezigheid van de Maagd Maria was met talloze maagden. Toen het tijdstip naderde waarop Onze Lieve Heer geboren werd, zag Liedewij haar eigen borsten en die van de andere heilige maagden opzwellen door de melk, precies zoveel als Maria had, toen Jezus geboren werd. Dit was een teken dat zij in staat waren Hem te zogen. Toen Katrijn Liedewij herinnerde aan haar belofte, masseerde Liedewij haar borsten en liet de weduwe zo hard mogelijk zuigen. Nadat deze drie teugen van die maagdelijke melk had gedronken, was ze verzadigd en kon ze het vele dagen zonder gewoon voedsel stellen.
Bron
Het leven van Liedewij, de maagd van Schiedam. (Ed. Ludo Jongen en Cees Schotel). Verloren, Hilversum 1994 (tweede druk).
Commentaar
ca. 1435
Dit verhaal is per hoofdstuk ingevoerd. Er zijn 44 hoofdstukken. <br>
Tekst en informatie: http://www.dbnl.org/tekst/_lie002lied01_01/
Tekst en informatie: http://www.dbnl.org/tekst/_lie002lied01_01/
Naam Overig in Tekst
Liedewij
Liedewij 
Katrijn
Katrijn
Christus
Christus
Jezus
Jezus
God
God
Kerstmis
Kerstmis
Kerstnacht
Kerstnacht
Lidwina van Schiedam
Lidwina van Schiedam
Naam Locatie in Tekst
Schiedam
Schiedam
Plaats van Handelen
Schiedam (Zuid-Holland)
Schiedam (Zuid-Holland)
Kloekenummer in tekst
K003p
K003p
Datum Invoer
2013-03-01 14:46:21