Hoofdtekst
Hô 't kump, dat de varkens altied vroot
Nen boer hadde zich op de markt 'ne nieje pankôkspanne koch. Dô in hoes kwam, wol hê ze daod'lijk proberen en hê ging an 't bakken. Mèr hê kon de panne nog nich good hantêren, want bi'j 't umdrèjen veul 'ne pankôke oet de panne op de groend. Juus stun de duure van de kökken los; de pankôke leup naor boeten het veeld in al wat 't mèr halen kon.
Wied in 't veeld kwam ze 'n hazen tieg'n.
"Panköksken! panköksken!" reup 'n hazen, "woar wis dou zoo hadde hen?"
"Ik bin mien'n boas oentloopen en ik kan di'j, haze wipste't, ook wal oentloopen," zè de pankôke en wieder vleug ze.
'n Tiedjen later kwam ze bij 'n vos.
"Panköksken! Panköksken!" reup dèn, "woar mus dou hen?"
"Ik bin mienen baos oentloopen," zè de pankôke, "en haze wipste't en ik kan di'j, vos dikste't, ook wal oentloopen," en veuroet leup ze, zoo hadde as ze mèr kon.
Daor kump ze de ôle soege tieg'n.
"Panköksken! Panköksken!" reup dè, "waor mus dou ven aov'nd nog hen ?"
"Ik bin mienen baos en haze wipste't en vos dikste't oentloopen," ze ze "en ik kan di'j, ôle soege flapoar, ook wal oentloopen."
Flapoar zè: "Ik bin an dizze kânte 'n bètjen doof, panköksken; dou wis mi'j dat wal an 't andere oar zegg'n."
"Da's good," zè panköksken en leup ve'bi'j 'n snoet'n van de soege, mèr den za in iens: "hap" en beet de êne helfte oet 'n armen pankôken.
Noar as te begriepen is, schrok de andere helfte geweeldig en kreup zoo gauw, asse kon, in 'n vrootenhoop, dê daor juus in de buurte was. De ôle soege flapoar der achter an en hê ging an 't vrooten, an 't vrooten, mèr hê hef tot van dage toú nog niks können vienden. En daorum vroot de verkens nog altied.
(Overijssel, Borne; in 1901 opgetekend door F. ten Cate; vgl. Driemaandelijksche Bladen I, blz.90)
Nen boer hadde zich op de markt 'ne nieje pankôkspanne koch. Dô in hoes kwam, wol hê ze daod'lijk proberen en hê ging an 't bakken. Mèr hê kon de panne nog nich good hantêren, want bi'j 't umdrèjen veul 'ne pankôke oet de panne op de groend. Juus stun de duure van de kökken los; de pankôke leup naor boeten het veeld in al wat 't mèr halen kon.
Wied in 't veeld kwam ze 'n hazen tieg'n.
"Panköksken! panköksken!" reup 'n hazen, "woar wis dou zoo hadde hen?"
"Ik bin mien'n boas oentloopen en ik kan di'j, haze wipste't, ook wal oentloopen," zè de pankôke en wieder vleug ze.
'n Tiedjen later kwam ze bij 'n vos.
"Panköksken! Panköksken!" reup dèn, "woar mus dou hen?"
"Ik bin mienen baos oentloopen," zè de pankôke, "en haze wipste't en ik kan di'j, vos dikste't, ook wal oentloopen," en veuroet leup ze, zoo hadde as ze mèr kon.
Daor kump ze de ôle soege tieg'n.
"Panköksken! Panköksken!" reup dè, "waor mus dou ven aov'nd nog hen ?"
"Ik bin mienen baos en haze wipste't en vos dikste't oentloopen," ze ze "en ik kan di'j, ôle soege flapoar, ook wal oentloopen."
Flapoar zè: "Ik bin an dizze kânte 'n bètjen doof, panköksken; dou wis mi'j dat wal an 't andere oar zegg'n."
"Da's good," zè panköksken en leup ve'bi'j 'n snoet'n van de soege, mèr den za in iens: "hap" en beet de êne helfte oet 'n armen pankôken.
Noar as te begriepen is, schrok de andere helfte geweeldig en kreup zoo gauw, asse kon, in 'n vrootenhoop, dê daor juus in de buurte was. De ôle soege flapoar der achter an en hê ging an 't vrooten, an 't vrooten, mèr hê hef tot van dage toú nog niks können vienden. En daorum vroot de verkens nog altied.
(Overijssel, Borne; in 1901 opgetekend door F. ten Cate; vgl. Driemaandelijksche Bladen I, blz.90)
Onderwerp
AT 2025 - The Fleeing Pancake 
AT 2025 - The Fleeing Pancake 
ATU 2025 - The Fleeing Pancake.
ATU 2025 - The Fleeing Pancake.
Beschrijving
Een boer gaat voor het eerst pannekoeken bakken. Door zijn onhandigheid weet de pannekoek uit de pan te ontsnappen. Vervolgens is hij een vos en een haas te slim af. Het varken doet alsof hij hem niet goed kan verstaan. De pannekoek komt te dichtbij en het varken eet een stuk op. De rest van de pannekoek verdwijnt in de hoop waarin het varken aan het wroeten was. Het varken kan de pannekoek niet meer vinden en blijft vanaf dat moment altijd wroeten.
Bron
J.R.W. Sinninghe: Vijftig Nederlandse Sprookjes, Amsterdam 1942, p. 28-29
Commentaar
1901
Zie ook:
SINUR 0065A: Warum das Schwein immer sucht
SINUR 0065A: Warum das Schwein immer sucht
The Fleeing Pancake
Naam Overig in Tekst
Flapoar
Flapoar
Datum Invoer
2013-03-01 14:46:20