KONING21 - Derk Leugenzak

Derk Leugenzak
Derk Leugenzak dut niks anners as de mensken veur de gek hollen. Hai lugt de haile wereld aan nkanner. Ien Frankriek bennen ze aan't vechten en doar kennen ze wel soldoaten bruken. Derk wil wel soldoat worren, mor hai ken gain fraansch proaten. Zai bekoopen hom mit geld en hai wordt op 'n oorlogsschip plakt. Loater komt e hier terug en vertelt wat e beleefd het. Ik ben bepoald op 'n ongeluksdag geboren, want ie hemmen der gain begrip van, wat ik aal nait deurmoakt heb. Ik was nog mor krekt op zoo'n oorlogsboot, of ik wer deur 'n groode golf over boord spould. Dou zwom doar net 'n haile dikke zeespierng en doar kwam ik op terecht, net as 'n kerel op 'n peerd. Mor 't baist wer zóó kel, hai slagt mie mit zien staart omhoog en zoo ben ik krekt boven tou schostainpiep weer ienkomen. Ik kwam terecht ien 'n glenne pot mit soep. Kok wol net soep omruiern en docht dat er 'n stuk rout ien vloog. Hai ging doadelk noar de kommandant en vroug of schostain nait veegd worren mog. Ien de tied dat ol vot was, at ik ale kloefkes oet de soep op, ging dou noar 't dek en hong mie zulm op te dreugen, zoodat gain mensk van 't haile onhaail wat gewoar worren is. Dou wie aan land kwammen, stuurde kaptaain mie opslag noar Moskou om 'n anker wien. Doar ben ik krekt ien ain uur henloopen. Dat ging wel wat haard en zoodounde ben ik op weeromraais wat muid worren. 'k Ben ien sloap valen mit mien anker wien. Dou ik wakker wer, laggen der 'n ben stomdronken ganzen noest mie, dei haren mie de wien opzopen. Ik was zóó kwoad, ik greep dei ganzen, reeg ze ien 'n raim, sloug dei op nek en ging er mit vot. Dou ganzen weer bie 't verstand kwammen, vlogen ze mit mie de lucht ien. Dou ik 'n uur boven de grond ien wolken en lucht was, wer 'k benauwd en wol weer noa de aorde. Ik greep mien mes, snee raim deur, vol noa beneden en kwom krekt ien 'n moddersloot terecht. Aan haals tou zat ik der ien en kon er nait weer oetkomen. 'n Uur doarvandoan zag ik 'n schovvel stoan; ik hoalde dei op en grouf mie der zulf weer oet. Dou weer aan raais, mor onnerweegs kreeg ik 'n allernoarste jeukte op kop. Ien 'n winkel heb ik dou 'n kaam kocht, t hoar oetkand en 157 kikkers oet mien hoar hoald. Dou ik weer bie de kaptaain aankwam, dou zetten ze nog dik ien oorlog en doar mos ik mit maank. Binnen 'n uur hemmen ze mie dreimoal doodschoten, Doar kon niks van, en doarom mos ik mor spion worren. Om 't vijandelk leger te bespionaiern, hemmen ze mie boven op 'n zestig ponder zet en ofschoten. Dou ik aankwam, schut vijand ook krekt 'n zestigponder of, en doar ben 'k gauw weer opsprongen en kwam beholden weer ien 't leger terug. Dou weer vanneis aan 't vechten, en op èns schoten ze mie kop van de romp. Dat was 'n maal ding, mor ik heb kop weer ophoald, hom der weer opzet en mit hechtploasters weer vaastbakt. Dou was mie t den slim genog, en de stried haar wie toch wonnen. Zoo ben ik weer thoes komen en dei dit verhoal nait looven wil, dei ken 't loaten. Want ik dou 't ook nait.

AT 1880 - The Boy has a Hat of Butter    AT 1880 - The Boy has a Hat of Butter   

ATU 1880 - Riding on the Cannonball    ATU 1880 - Riding on the Cannonball   

AT 1881 - The Man Carried through the Air by Geese    AT 1881 - The Man Carried through the Air by Geese   

ATU 1881 - The Man Carried through the Air by Geese.    ATU 1881 - The Man Carried through the Air by Geese.   

AT 1882 - The Man who Fell out of a Balloon    AT 1882 - The Man who Fell out of a Balloon   

ATU 1882 - The Man who Fell Out of a Balloon.    ATU 1882 - The Man who Fell Out of a Balloon.   

SINAT 1883 - Andere Lügenmärchen    SINAT 1883 - Andere Lügenmärchen   

VDK 1894* - Dronken ganzen gevangen    VDK 1894* - Dronken ganzen gevangen   

AT 1960B - The Great Fish    AT 1960B - The Great Fish   

ATU 1960B - The Great Fish.    ATU 1960B - The Great Fish.   

Derk Leugenzak kan alleen maar liegen. Hij vertelt over zijn avonturen bij het Franse leger.

E.J.Huizenga-Onnekes: Het boek van Minne Koning. Groningen (etc.), 1930, p. 93-96

Derk Leugenzak    Derk Leugenzak   

Frans    Frans   

Frankrijk    Frankrijk   

2013-03-01 14:46:20