Registratie zal enige tijd duren. Deze functie is in ontwikkeling.

KONING18 - St. Magriet

Een mop (boek), 1930

Hoofdtekst

St. Magriet.
Ken ie 't verhoal van de hailege Magriet? Hondsdoagen, dat bennen heur doagen. As 't den begunt te regen, den regent 't zes weken. Pisgrait zeggen ze hier doarom gewoonliek. Nou den! St. Magriet lopt 'n dag of wat, veur hondsdoagen, bie de streek. Dou komt ze bie 'n haile dikke, rieke boerin en vragt of ze doar 's nachts wel sloapen ken. Nee, zegt vrouw, ik hol der gain sloapers op noa. 't Muit mie, ik wol hier aans geern blieven, mor as 't nait ken, den ken 't nait. Nee, zegt de boerin, ik ken joe nait bruken. Dou komt ze bie 'n aarbaidere wief en vragt weer of ze doar blieven ken. Joa, zegt del, dat ken; mien man is vannacht toch nait thoes, hai is oet te visken, ie kennen mooi bie mie sloapen. St. Magriet blift doar. Anerdoagsmörns drinken ze kovvie mit nkanner en eten ze 'n brug. Zai ken Magriet nait en dei zegt ook nait wel zai is. As St. Magriet vot gaait, zegt ze: geld heb ik nait om te geven, mor aal wat ie ien de eerste zes week doun, dat zel gezegend wezen. No, denkt 't aarbaiderswief, dat geft mie nait veel, mor dat is niks, doar heb ik 't ook nait om doen. As St. Magriet vot is, lopt ze te prakkezaiern over 'n lap linnen, dei ze koft het veur 'n loaken. Der is nait recht genog, der ken ainks gain loaken oet, mor zai haar der ook oast gain centen vour had. Mor, heb ik 't wel goud meten? denkt ze, ik wil 't nog ais weer meten, meschain dat 't nog wat touvaalt. Ze komt aan t meten en doar komt gain end aan en ze het zes weken linnen meten. Dou heurt dei dikke, rieke boerin dat en zegt: godjes, wat muit mie dat, want dat het de hailege Magriet west; nou heb ik 'n dom stek oethoald. Mor 's joars doarop komt de hailege Magriet weer en vragt weer bie dei rieke boerin of ze doar sloapen mag. Dei zigt vot, dat 't St. Magriet is en nou zel ze beter oppazen. Joa, zegt ze, ie kennen op ber ien vrijkoamer sloapen, en zai geft 't heur hail best. Anerdoagsmörns zegt St. Magriet den weer net wat ze 't veurege joar tegen dat aarbaiderswief zegd het. Geld heb ik nait om te geven, mor aal wat ie ien de eerste zes week doun, zel gezegend wezen. Dou denkt dei boerin: 't eerste waark dat ik begun, doar zel de eerste zes weken gain end aan komen? Jonge ja, ik wait wel wat ik dou, ik begun te geldtellen. Mor 'k mout nog eerst even pissen. En ze het er zoo lang zeten dat Oostzee der deur ontstoan is.

Onderwerp

ATU 0750A    ATU 0750A   

Beschrijving

De heilige Magriet trekt door een streek. Ze vraagt of ze kan overnachten bij een rijke boerin, maar de boerin weigert haar toegang tot haar huis. Dan gaat St. Magriet naar een arbeidersvrouw toe en bij haar mag ze wel blijven. St. Magriet vertrekt de volgende morgen en zegt tegen de vrouw dat alles wat ze de komende zes weken zal doen, gezegend zal zijn. De vrouw begint met het meten van linnen en zes weken lang meet ze linnen.
Het volgende jaar trekt St. Magriet weer door dezelfde streek. De rijke boerin heeft het verhaal over de arbeidersvrouw gehoord en geeft nu wel onderdak aan Magriet. De heilige blijft overnachten bij de boerin en de volgende dag zegt ze ook tegen de boerin dat al haar werkzaamheden voor zes weken gezegend zullen zijn. De boerin wil als eerste geld gaan tellen in de hoop dat ze dit zes weken lang zal blijven doen. Ze moet echter nog eerst even plassen. Ze plast zo lang dat de Oostzee is ontstaan.

Bron

E.J.Huizenga-Onnekes: Het boek van Minne Koning. Groningen (etc.), 1930, p.82-83

Motief

K1811 - Gods (saints) in disguise visit mortals.    K1811 - Gods (saints) in disguise visit mortals.   

D2172.2 - Magic gift: power to continue all day what one starts.    D2172.2 - Magic gift: power to continue all day what one starts.   

Commentaar

1930
The wishes

Naam Overig in Tekst

Sint Magriet    Sint Magriet   

Heilige Margriet    Heilige Margriet   

Datum Invoer

2013-03-01 14:46:20